په بغداد کې دامریکا په سفارت دوهمه توغندوي حمله شوې
په تیرو څو ساعتونو کې دا په بغداد کې دامریکا په سفارت دوهمه توغندوي حمله شمیرل کیږي . پرون ناوخته هم په بغداد کې دامریکا له سفارت سره نزدې یو توغندی لګیدلی ؤ .
فارس خبری آژانس راپور ورکړی د عراق خبری سرچینو نن سهار وختي وئیلي دي ،په بغداد کې د امریکا د سفارت په لور لږترلږه څلور توغندي ویشتل شوي دي ، چې د خبر تر مخابیره کیدا پورې ئې داحتمالي تاوانونو په باب کوم راپور نه دی ترلاسه شوی .
په تیرو څو ساعتونو کې دا په بغداد کې دامریکا په سفارت دوهمه توغندوي حمله شمیرل کیږي . پرون ناوخته هم په بغداد کې دامریکا له سفارت سره نزدې یو توغندی لګیدلی ؤ .
دعراق په بغداد کې د امریکا سفارت او د التاجي او البلد پوځي مرکزونو پشمول په عراق کې د امریکائي ترهه ګرو پوځیانو پر مرکزونو په ورستیو میاشتو کې په کرتو توغندوي حملې شوي دي . دعراق ډیری سیاستوالان ، ولس او حتی ددغه هیواد پارلیمان له عراقه د امریکائي ترهه ګرو پوځیانو د وتلو غوښتونکي دي او ګواښ کوي چې که زرترزره دغه ترهه ګرپوځیان ونه وځي نو په زور به له دغه هیواده وشړل شي .
داپه داسې حال کې دي چې دعراق دپارلیمان دبهرنیو اړیکو کمیشن په دې باب چې امریکا هڅه کوي له عراقه د درې کلن مهلت په ترلاسه کولو سره له دغه هیواده دخپلو عسکرو ویستل وځنډوي ، سخت او جدي خبرداری ورکړی دی .
