آسټریليا له افغانستان سره د لوبې لغوه کولو ته بهانې ګوري
د آسټریليا کرکټ بورډ ویلي، که په افغانستان کې د ښځینه و کرکټ ته اجازه ور نکړل شي، دوی به له افغانستان سره یواځینۍ ټیسټ لوبه لغوه کړي.
د آسټریليا کرکټ بورډ ویلي، که په افغانستان کې د ښځینه و کرکټ ته اجازه ور نکړل شي، دوی به له افغانستان سره یواځینۍ ټیسټ لوبه لغوه کړي.
تاند خبري سایټ لیکلي چې سرچینې په یوه خبرپاڼه کې ویلي دي: دوی د افغانستان حالت څاري او داسې راپورونه یې هم ترلاسه کړي چې طالبان د ښځو کرکټ ته اجازه نه ورکوي.
سرچینه کاږي، چې استرالیا کرکټ بورډ ته د ښځو کرکټ هم مهم دی او د ښځو لپاره په مساوي ډول د لوبو ملاتړ کوي.
سرچینه وایي که چېرته د افغانستان لوبغاړي په انفرادي ډول ورسره لوبېږي، نو هغوی ورته اجازه ورکوي، خو زیاتوي چژې د طالبانو تر بیرغ لاندې لوبډله، چې د ښځو کرکټ ته اجازه نه ورکوي، استرالیا به یې کوربتوب ونه کړي.
دا په داسې حال کې ده چې د طالبانو په راتګ سره په ښځینه کرکټ بندیزونه لګېدلي او داسې اندېښنې هم شته چې ښايي له افغان ملي لوبډلې څخه بشپړ غړیتوب هم واخیستل شي.
د افغانستان کرکټ بورډ تر اوسه په دې تړاو غبرګون نه دی ښودلی.
