د کینیا هیواد ۹۸ کلنې میرمنې درس ویل پیل کړي

زمونږ خبریال وايي د افریقا د لوې وچې د کینیا هیواد اته نوي(۹۸) کلنې میرمنې پریسیلا سیټیني د زده کړې لپاره په ځايي ښوونځي کښې درس ویل پیل کړي دي .

د شپږم (۶) ټولکې زده کونکي میرمن پریسیلا سیټیني وویل چې ما د خپلو لمسیو او  کړوسیو لپاره د یوې ښې بیلګې د جوړولو لپاره په ښوونځي کښې درس ویل پیل کړي دي .

د کینیا هیواد دغه اته نوي کلنه میرمن وايي زما زړه غواړي چې ډاکټره جوړه شم ځکه چې مخکې زه یوه نرسه وم .

هغې وویل زما بچیانو ښوونځي ته زما په ورتلو ټینګار کړی دی او ما سره یې ملګرتیا کړي ده .

د کینیا دغه میرمنې وویل چې زه له درس ویلو سره سره له خپلو لمسیو او کړوسیو سره لوبې هم کوم او ډیر خوند ترې اخلم .