یوې میرمنې د لمر سترګې په انرژۍ سره هګۍ پخه کړه

زمونږ خبریال وايي په بریتانیا او نورو اروپايي هیوادونو کښې نن سبا خلک له سختۍ ګرمې سره مخامخ دي او څو ورځې مخکې یوازې په اسپانیا هیواد کښې د سختې ګرمې له کبله له پینځو سوو زیات کسان وژل شوي وو.

په دغه سختې ګرمې کښې د انګلستان یوې میرمنې په څلویښت (۴۰)سینټي ګریډه تودوخي کښې په خپل باغ کښې په یوه لوخي کښې د هګۍ د پخولو کوشش وکړ.

د بریتانیا میرمنې جارجیا لیوي یو خالي لوخی په یوې تیږې باندې لمر سترګې ته تر یوه ساعت پورې کیښودلی و.

یوه ساعت وروسته چې دغه ښځې په خالي لوخي کښې غوړي واچول نو هګۍ پکښې واچول شوه او هګۍ پخه شوه او دغه ښځه په خپلې هڅې کښې بریالۍ شوه.

لائبریري اف کانګریس وايي د هګۍ د پخولو لپاره اویا سینټي ګریډه د تودوخي ضرورشت شته.