د ښځو په شیدو کښې مایکروپلاسټیک موندل شوی
زمونږ خبریال وايي د روان میلادي کال په مارچ میاشت کښې د لومړي ځل لپاره د انسان په وینې کښې مایکروپلاسټیک موندل شوی و.
په یوه تحقیق کښې د لومړي ځل لپاره د ښځو د تیو په شیدو کښې د مایکروپلاسټیک شتون ثابت شوی دی کوم چې کارپيژاندي ډير حیرانه کړي دي.
د ایټالیا د پولي ټیکنیکا ډیلا مارشې پوهنتون د محققانو راپور وايي د ښځو په شیندو کښې د مایکروپلاسټیک شتون مونږ د ماشومانو د راتلونکي په هکله اندیښمن کړي یوو کوم چې په دغو شیدو باندې لویږي.
د تحقیقاتي ډلې مشر ډاکټر ویلنشا نوتار سټیفانو د بریتانیا له ګارډین ورځپاڼې سره په مرکه کښې ویل مونږ په دغه تحقیق کښې د ایټالیا د پلازمینې روم د څلوردیرشو میندو د شیندو نمونې ترلاسه کړې چې پکښې د شپږویشتو میرمنو یعني د شپږاویا فیصده ښځو په شیدو کښې مایکرو پلاسټیک وموندل شو.
دغه اندازه مایکرو پلاسټیک ډیر اندیښمونکی دی.
د دغه تحقیق د نتیجې پراساس امیندوارې میرمنې او هغه ښځې چې بچیانو ته شیدې ورکوي باید ځانونه له پلاسټیک شیانو استعمالولو لیرې وساتي.
د ویلو ده چې مایکرو پلاسټیک د اوبو له بوتلونو او شیانو او پلاسټیک جوړو نورو شیانو څخه د انسان جسم ته ورځي.
