امریکا اوکراین ته خپلې نوې پوځي مرستې لیږي
د امریکا دفاع وزیر لویډ سټین ویلی دی چې هېواد یې د اوکراین د سمدستي او اوږدمهاله امنیتي اړتیاوو د پوره کولو لپاره پر خپلو ژمنو ولاړ دی.
د امریکا د دفاع وزیر اعلان وکړ چې هېواد یې له اوکراین سره د مرستې لپاره یوه نوې پوځي بسته استولې ده. ویل کیږي چې په دې مرستو کې د ټانک ضد سیسټمونه، لارښود توغندي، د سټار لینک سټلایټ مخابراتي وسایل او نور پوځي تجهیزات شامل دي.
د امریکا دفاع وزیر لویډ سټین ویلی دی چې هېواد یې د اوکراین د سمدستي او اوږدمهاله امنیتي اړتیاوو د پوره کولو لپاره پر خپلو ژمنو ولاړ دی.
سټین وویل چې اوکراین ته د امریکا د وسلو په نوې جوپه کې هغه سیسټمونه او تجهیزات شامل دي چې د اوکراین پوځ کولی شي د خپل هیواد د دفاع لپاره وکاروي.
د امریکا د دفاع وزارت د معلوماتو پر بنسټ، د دغه هېواد د مرستو په نوې بسته کې د دقیقو لارښوونکو توپونو، د زغره والو ضد او له لرې واټن څخه د ماینونو د سیستم مرمۍ، زغره وال سیسټمونه، د ټانګ ضد او څو هدفه وسلې او وړې وسلې شاملې دي.
