اروپايي هیوادونه د دریم نړیوال جنګ هڅه کوي
ایرنا خبري اژانس راپور راکړی د روسیې د امنیت شورا د مشر مرستیال دمیتري مدودف خبرداری ورکړ لویدیځ هیوادونه په فعال ډول هڅه کوي نړۍ د دریم نړیوال جنګ په لور بوځي.
هغه پرون وویل په پریکنده توګه که چیرې لویدیځوالو زمونږ خبرو ته غوږ اچولای نو حالات په بهتر وو او هیڅکله به ننۍ دنیا د دریم نړیوال جنګ د رامینځته کیدا له ګواښ سره مخامخ نه وه خو زمونږ مخالفان په حقیقت کښې نړۍ د دریم نړیوال جنګ په لور بیايي.
دمیتري مدودف وویل د روسیې لویدیځي مخالفان د ماسکو په دریځونو باندې سترګې پټوي.
د روسیې د امنیت شورا د مشر مرستیال دمیتري مدودف دې ته په اشارې سره چې په اوکراین کښې جنګ د نړۍ په سویه یوه موضوع ده ټینګار وکړ امریکا د اوکراین له جنګ څخه پیسې لاس ته راوړي او اروپايي هیوادونه تاوانونه کوي.
په اوکراین کښې د جنګ له پیل راهسې لویدیځو هیوادونو د روسیې پرضد د پراخو بایکاټونو په لګولو او کي یف ته د ډول ډول سپکو او درنو وسلو په استولو سره نه یوازې د اوکراین د جنګ له بندیدا سره کومه مرسته نه ده کړي بلکې له مخکې څخه زیات یې په دغه هیواد کښې د ناکراریو د زیاتولو هڅه کړي ده.
