د روسیې پوځ د اوکراین ۵۰۰ پوځيان ووژل
زمونږ خبریال راپور راکړی د روسیې د دفاع وزارت ویاند په اوکراین کښې د ماسکو په پوځي عملیاتو کښې د کي یف د پوځ د عسکرو د وژلې نوي شمیرنې اعلان کړې.
د روسیې د دفاع وزارت ویاند ایګور کوناشنکوف وویل په تیرو څلرویشتو ساعتونو کښې د اوکراین په بیلابیلو سیمو کښې د ماسکو په پوځي عملیاتو کښې د اوکراین کابو پینځه سوه پوځیان وژل شوي دي.
هغه زیاته کړه روسیې په اوکراین کښې په تیرو څلرویشتو ساعتونو عملیاتو کښې د ماسکو پرضد شپږ حملې شنډې کړي او د هیمارس د اتو توغندیو مخه یې نیولي ده او پینځلس بې پایلوټه الوتکې او اوه زغرګاډي ، اوه پوځي ګاډي ، یو بل ګاډی ، پینځه توپونه ، دوه کوچني ټرکونه او د توپونو دوه سیسټمونه یې تباه کړي دي.
د اوکراین جنګ له ټولو پراخو سیاسي ، پوځي، اقتصادي ، ټولنیزو او حتی کلتوري پایلو سره سره اوس شلمې میایشتې ته ورداخل شوی دی او اوکراین ته د امریکا او دنورو لویدیځو هیوادونو لخوا د وسلو استول هماغه راز دوام لري.
امریکا او اروپايي هیوادونه په اوکراین کښې د جنګ د زیاتیدا نورې هڅې هم کوي چې دغه جنګ اوږد کړي او روسیه کمزوري کړي.
