کیوبا: ملګري ملتونه سمدستي پراخو اصلاحاتو ته اړتیا لري

پارس ټوډی: د کیوبا ولسمشر په خپلو څرګندونو کې بریکس ډله د هیلې او امید د سمبول په توګه یاده کړه او ټینګار یې وکړ چې ملګري ملتونه په بیړه هغو پراخو اصلاحاتو ته اړتیا لري، چې د نړۍ جنوبي هیوادونو یې  له نیمې پیړۍ راهیسې غوښتنه کوله.

میګل دیاز کانل، په خپل ایکس حساب کې په یوه پیغام کې وویل چې د ملګرو ملتونو د ځینو غړو کبرجن چلند دا سازمان کړکیچن او ناکاره کړی دی.

دا نړیوال سازمان ۸۰ کاله مخکې د دې لپاره تاسیس شوی و چې جګړه، د شخړو د حل لپاره د هڅو ځای ونه نیسي.

د کیوبا ولسمشر د عادلانه او ټولشموله نړیوال نظم جوړولو لپاره د بریکس ژمنې ستایلي او زیاته کړې یې ده چې د بریکس غړي د سولې، همکارۍ او پیوستون ګډ آرمانونه پرمخ وړي.