اسلام،اخلاق اوتمدن؛د اوسنۍنړئ لپاره دبریکس دیني مشرانوپیغام
پارس ټوډې - د بریکس ډلې د لسو مسلمانو غړو هیوادونو ددیني مشرانو دویمه غونډه او د معنوي ورېښمو لارې شپږم نړیوال کنفرانس د ستمیر په ۴ او ۵) په ریو دو ژانیرو ښار کې روانه ده.
پارس ټوډې د ایکنانیوز له قوله راپور راکړ، د ایران د اسلامي کلتور او ارتباطاتو د ادارې مشر حجتالاسلام والمسلمین محمدمهدي ایمانيپور به د ایران د اسلامي جمهوریت د استازي په توګه په دغې غونډې کې وینا وکړي.
ایمانيپور به د نړیوالو اخلاقي او معنوي ارزښتونو په رول، د سولې په ټینګښت، د دینونو او کلتورونو ترمینځ د خبرو اترو په پیاوړتیا او د څو اړخیزو ملګرتیاؤ په پراختیا کې د ایران د اسلامي جمهوریت لیدلوری وړاندې کړي.
هغه به د تمدنونو د ګډو بنسټونو پر اهمیت، چې د ملتونو او براعظمونو د نږدې کولو لپاره دي، ټینګار وکړي.
دغې غونډې، چې د روسيې د مسلمانانو د دیني ادارې او د برازیل د مسلمانانو د ټولنو فیډریشن (FAMBRAS) له خوا په ګډه تنظیم شوې، د بریکس لس مسلمانو غړو هېوادونو او نورو اسلامي هېوادونو دیني مشران، متفکران او شخصیتونه به کوربه وي.
ګډونوال د موضوعګانو په اړه، لکه «د نړیوالو ارزښتونو رول د خوځنده سولې په ساتنې کې» په نامې سره او «د اورآسیا په حوزې کې د ښه ګاونډیتوب او متقابل احترام تجربې ؛په عنوان سره بحثونه او نظرونه سره مبادله کوي.
د «بینالقومي او بینالادیاني خبرو اترو پیاوړتیا» او «د همغږۍ د اړیکو پیاوړتیا او د پایښت لرونکي پرمختګ لپاره د ملګرتیاؤ پراختیا» نورې موضوعګانې دي، چې ګډونوال ئې په اړه بحث وکړي.
ټاکل شوې ده د دغو دوو غونډو سره هممهاله، د قرآن کریم نړیوالې سیالۍ هم ترسره شي، چې د ایران د اسلامي جمهوریت نامتو قاري «حامد شاکرنژاد» پکې ګډون کوي.
هغه تېر کال د ایران د اسلامي کلتور او ارتباطاتو د ادړارې مشر حجتالاسلام والمسلمین محمدمهدي ایمانيپور له خوا د ایران د قرآني سفیر په توګه ټاکل شوی دی.
