آلماني ورځپاڼه: ممکن زلنسکي استعفا ورکړي
پارس ټوډې - یوې آلماني ورځپاڼې ویلي که د اوکراین ولسمشر په نژدې کړیو کې بل فساد افشا شي، د زلنسکي د استعفا احتمال شته.
جرمني ورځپاڼې Berliner Zeitung د جمعې په ورځ په یوه راپور کې لیکلي چې د اوکراین ولسمشر ولودیمیر زلنسکي احتمالاً که د هغه په نژدې کړیو کې بل فساد افشا شي، استعفا به ورکړي.
د پارس ټوډې د راپور له مخې، په دې راپور کې راغلي: زلنسکي په داسې حال کې واک ته ورسېد چې د اوکراین خلکو ته یې د فساد پر ضد د مبارزې ژمنه کړې وه، خو نه یوازې په دې برخه کې ناکامه شوی، بلکې فساد او ګډوډیو ته یې اجازه ورکړې چې دومره پراخ شي چې د هېواد ملي امنیت ته ګواښ وکړي.
دا راپور زیاتوي: زلنسکي خپلو ملګرو او نژدې کسانو ترمنځ د ګډوډۍ پراخېدو ته اجازه ورکړې چې ځینې یې رسمي پوستونه هم نه لري.
مخکې د اوکراین ملي دفتر د فساد پر ضد مبارزې له خوا د اوو کسانو پر ضد د انرژۍ برخه کې د فساد په تور د سزا صادرولو خبر ورکړی وو.
