په نړیوال تجارت باندې د دیجیټال اقتصاد اثرات

پارس تودی- د نن ورځې په نړۍ کې، ډیجیټال اقتصاد د اقتصادي فعالیتونو یو تر ټولو وتلی ډګر په توګه پېژندل کیږي چي په نړیواله سویه کې د کار په مارکیټ او تجارت باندې زیات اثر کړی دی.

د پارس تودی له راپور سره سم، دیجیټال اقتصاد، هغه سوداګریز، اقتصادي او ټولنیز بهیر ته وایي چي د آی ټي یعني د معلوماتي ټکنالوژیو د لارې تر سره کیږي. په ۱۹۹۰ میلادي کال کې د اینټرنیټ د پیدا کېدو او د دیجیټال ټکنالوژیو په راتلو سره، بازار موندنه، د توکو ویش او خرڅلاو او همداشان خدمات بنیادي بدلونونو سره مخ شوي دي.

د ډیجیټال اقتصاد د مختلفو اړخونو جاج او په  نړیوال تجارت باندې اثرات

دیجیټال اقتصاد کې داسي فعالیتونه شامل دی چي د اینټرنیټ او دیجیټال خدماتو له لارې تر سره کیږي، دغه اړخونه، د معلوماتو، خدماتو، محصولاتو او نوې ټکنالوژیو باندې مشتمله دي او د اقتصادي پراختیا د همکاریو د سازمان له راپور سره سم، دیجیټال اقتصاد په دوو برخو ویشل کیږي: د تولید او خدماتو برخه

د تولید په څانګه کې دیجیټال او فیزیکي توکې شامل دي، په داسي حال کې چي د خدماتو په برخه کې ټول هغه خدمات شامل دي چي په  انلاین بڼه وړاندې کیږي.

د ډیجیټال اقتصاد چټکه وده

په دې وروستیو کلونو کې د ډیجیټال اقتصاد وده د پام وړ پاته شوې. د McKinsey نومې د نړیوال مدیریت شرکت د راپور له مخې، د دې شرکت نړیواله برخه په ۲۰۲۱ میلادي کال کې ۱۲ ټریلیون ډالرو ته رسېدلې او داسي اټکل کیږي دا شمېر په راتلونکو کلونو کې نوره هم وده وکړي.

دا وده اکثره  د ټکنولوجیکي بدلونونو په خاطر، اینټرنیتو ته د لاسرسۍ د زیاتوالې او د مصرف کوونکو د خوی د بدلون د امله  دي.

الکټرونیک سوداګري د دیجیټال اقتصاد له بنیادي ستنو څخه دی. په انلاین توګه د توکو پېر او پلور په دې تجارت کې شامل دی. د تجارت د نړیوال سازمان  WTO له راپور سره سم، په ۲۰۲۰ میلادي کال کې د انلاین پلور کچه ۴ اعشاریه ۲۸ ټریلیون ډالرو ته رسېدلې وه او اټکل کیږي چي نور هم وده وکړي.

دا موضوع نه یوازې شرکتونو لپاره د لا زیاتو عایداتو لامل شوی بلکې پېرودونکو ته هم دا امکان ورکوي چي خپلې د خوښې وړ توکې په لا ارزانه قیمت سره رانیسي.

په نړیوال تجارت باندې د نویو ټکنالوژیو اثرات

د مصنوعي هوښ، IoT یا سامان الاتو اینټرنیټ، او بلاک چین په نړیوال تجارت باندې ژور اثرات کړي دي. مصنوعي هوښ شرکتونو ته دا امکان ورکوي چي د خپلو ګیراکانو معلومات وارزوي او خدمات ورته شخصي کړي.

د سامان الاتو اینټرنیټ هم شرکتونو سره مرسته کوي چي په لا ښه کیفیت او کارندوالې سره خپل محصولات تولید کړي او د ګیراکانو رضایت تر لاسه کړي.

د ډیجیټال اقتصاد ننګونې

سره له دې چي دیجیټال اقتصاد د چټک پرمختګ لپاره یو فرصت رامینځته کړی دی، لیکن له ځان سره ځینې ننګونې هم راوړي، چي له ټولو مهم یې، سایبري امنیت پورې اړوندې ستونزې دي او د معلوماتو د حجم په زیاتوالې سره، سایبري خطرې هم زیاتیږي.

د Cybersecurity Ventures د راپور له مخې، په ۲۰۲۱ میلادي کال کې د سایبري بریدونو د امله د اوښتیو زیانونو کچه، ۶ ټریلیون ډالرو ته رسېدلې ده چي ښیې سایبري امنیت د شرکتونو لپاره لومړیتوب پیدا کړی دی.