صهیونیسټ رژیم د سوریې په جنوب باندې بیا تیری وکړ
ایرنا خبري اژانس راپور راکړی د صهیونیسټ رژیم ځواکونو په سوریې باندې د خپلو تیریو او له دمشق سره د سټراټيژیک تفاهم لیک د خلاف ورزۍ په دوام کښې د سوریې په جنوب کښې په یوشمیر سیمو تیري وکړل.
د صهیونیسټ نیواکګر رژيم ځواکونو نن د سوریې په جنوب کښې په «ریف قنیطره» سیمه کښې په «عین زیوان» کلي یرغل وکړ.
د صهیونیسټ رژیم ځواکونو په دغه کلي کښې په یو شمیر کورونو باندې یرغل وکړ او د دغو کلیو په خوا کښې یې د پلټنې یو مرکز جوړ کړ.
د اسرائیلو نیواکګرو ځواکونو د سوریې پلي تګ کونکي وپلټل او تلاشۍ یې واخیستله او د ښاریرو په تګ راتګ کښې یې خنډ رامینځته کړ.
له دې مخکې د صهیونیسټ رژيم ځواکونو د قنیطره په ریف جنوبي کښې په «صیدا الجولان» کلي هم یرغل وکړ او یو ځوان یې ونیوه.
د اسرائیلو رژیم په سوریې کښې د بشار اسد د حکومت له نسکوریدا راهسې په دغه هیواد کښې له موجوده امنیتي خلا څخه په ناوړه استفادې سره د سوریې په جنګي الوتکو او درنو دفاعي تاسیساتو باندې بمباریو سره د سوریې په جنوب کښې په قنیطره سیمه کښې پرمختګ کړی او د جبل الشیخ سټراټيژیکو لوړو په شمول یې د دغه ښار یوشمیر سیمې نیولي دي.
