ترکیه او قطر په دوحه کښې ګډه پوځي اډه جوړوي
د ترکیې ولسمشر رجب طیب اردوغان پرون په روحه کښې له قطري چارواکو سره ملاقاتونه کړي دي.
په قطر کښې د ترکیې د ولسمشر له شتون سره همماله د انقرې چارواکو وویل چې دواړو هیوادونو په دوحه کښې د ګډې پوځي اډې د جوړولو او پکښې د سل هاو ترک ځواکونو د دیره کولو په سر موافقه کړې ده.
د ترکیې ولسمشر رجب طیب اردوغان پرون په روحه کښې له قطري چارواکو سره ملاقاتونه کړي دي.
پریس ټي وي خبر ورکړی چې د ترکیې د دفاع وزارت مرستیال احسان بلبل وویل: د قطر او ترکیې د پوځي موافقې په چوکاټ کښې په نظر کښې ده چې د دغو دواړو هیوادونو د ګډو ځواکونو تاکتیکي مرکز په دوحه کښې پرانیستلی شي.
د احسان بلبل په وینا، د قطر یو بریدجنرال به په دوحه کښې د ګډ پوځي مرکز قومندان او د ترکیې د پوځ یو جنرال به یې مرستیال وي.
د ترکیې د دفاع وزارت مرستیال په دې خبرې سره چې د دوحې پوځي مرکز ته به له پنځو سوو نه تر شپږو سوو پورې ترک پوځي ځواکونه واستول شي، څرګنده کړه: له ۲۵ نه تر ۳۰ کسانو پورې روزنیزه ډله به هم په دغه مرکز کښې دیره کړی شي چې د چاودونکو توکو د شنډولو ټریننګ به ورکوي.
د ترکیې چارواکي په داسې حال کښې په دوحه کښې له قطر سره د ګډ پوځي مرکز په جوړولو سره د دواړو هیوادونو لپاره له ترهګرۍ سره د مقابلې د اسانیدو ادعا کوي چې دوحه او انقره په سوریه کښې د مختلفو ترهګرو ډلو ملاتړ کوي.
