په استنبول کښې د ناکامې کودتا کلیزه ونمانځله شوه

د ترکیې د مختلفو سیمو خلکو بیګا په استنبول ښار کښې په لاریون سره له حکومته د ملاتړ په ترڅ کښې په دغه هیواد کښې د ناکامې کودتا کلیزه ونمانځله.

له استنبوله زمونږ خبریال وايي چې د ترکیې د ناکامې کودتا په وړومبۍ کلیزه کښې د دغه هیواد زرګونو خلکو په استنبول کښې په لاریون او راغونډیدو سره د اردوغان د حکومت له سیاستونو خپل ملاتړ اعلان کړ.

هغوي د ترکیې په وروستۍ کودتا کښې د امریکې د دخالت او رول په غندلو سره د خپل هیواد له حکومته وغوښتل چې د اینجرلیک پوځي اډې په بندولو سره په هغې کښې موجود بهرني په تیره بیا امریکايي پوځیان وباسي.