دسوریې په حماه کښې دداعش ۱۸۰ مرکزونه تباه شوی
Sep 12, 2017 10:32 Asia/Kabul
-
حاضردمه په دغه سیمه کښې داعش ډلې ته د مالي مرستو ، پوځي تجهیزاتو او د مهماتو داستولو لارې په کامل ډول بندې شوي دي .
رشیا ټوډې ټیلی ویژن راپور ورکړ د روسیې دفاع وزارت نن چې دسوریې په ریف حماه کښې په عقیربات ښارګی کښې دداعش ترهګرو د یوسل اتیا (۱۸۰)مرکزونو دتباه کولوخبر ورکړ .
په دغو عملیاتو کښې دسوریې په عقیربات کښې دداعش ترهګرو ته د مرستو ، وسلو او د پوځی تجهیزاتو د استولو لارې غوڅې شوې .
په سوریې کښې د روسیې دعسکرو قوماندان الکساندر لابین وویل پرون ددغه هیواد هوایی ځواک په عقیربات کښې د سوریې دپوځ د پرمختګ په ملاتړ کښې دماموریت څه دپاسه پنځوس(۵۰) الوتونه وکړل او دداعش ترهګرې ډلې کابو یوسل اتیا (۱۸۰)مرکزونه او بیخ بنایانې تباه شوې .
هغه وویل حاضردمه په دغه سیمه کښې داعش ډلې ته د مالی مرستو ، پوځی تجهیزاتو او د مهماتو داستولو لارې په کامل ډول بندې شوی دی .
ټیګونه
