دسوریې اړونده لوری په استانه غونډې کښې ګډون کوی

زمونږخبریال وایی قزاقستان په یوې(۱) بیانیې کښې داستانه دغونډې په اوم(۷) پړاو کښې چې ټاکل شوی ده چې داکتوبر د میاشتې په اخر کښې په دغه هیواد کښې جوړه شی دسوریې د ټولو اړونده خواو دګډون کولو خبر ورکړ .

دقزاقستان دخارجه وزارت په بیانیې کښې ویل شوی دی داستانه دغونډې اوم(۷)  پړاو داکتوبر دمیاشتې په دیرشمه(۳۰) او یودیرشمه(۳۱) نیټه دایران ، روسیې او دترکیې د پلاویو په ګډون سره په استانه ښار کښې کیږی .

له ایران څخه به د خارجه وزارت د عربو او د افریقا د چارو مرستیال حسین جابری انصاری ، له روسیې څخه به د ولسمشر استازی الکساندر لاورنیف او له ترکیې څخه به دخارجه وزیر مرستیال سدات اونال په دغه غونډې کښې ګډون وکړی .

د استانه دغونډې د اوم(۷) پړاو دترسره کیدا هدف د اووربند  پیاوړتیا ، د ډیر ثبات درامینځته کول او یوې(۱) سیاسی حل لارې ته درسیدا په هدف سره دپخوانیو بریاو ساتل اعلان شوی دی .

دسوریې  کړکیچ له ۲۰۱۱ میلادی کال راهسې دترهګرو ډلو په پراخ یرغل سره چې امریکا ، سعودی عربستان، ترکیه ، انګلستان ، فرانسې  ، او نور عرب اواروپایی هیوادونه یې ملاتړ کوی  د بشار اسد دقانونی حکومت د نسکورولو او داسرائیلو دامنیت دپیاوړی کولو په هدف سره پیل شوی دی او له کبله یې په زرګونو بې ګناه خلک وژل شوی او ژوبل شوی هم دی .