سعودی عربستان په یمن حملو ته دوام ورکړی

ایرنا خبری اژانس وایی د سعودی عربستان جنګی الوتکو بیګا دیمن په پلازمینې صنعا دوه (۲)ځله بمبارې وکړې او دخلکو کورونو او عمومی ځایونو ته زیات تاوانونه ورسیدل .

دسعودی عربستان جنګی الوتکو دغه راز دیمن په شمال کښې دصعده ولایت په الظاهر سرحدی ښار هم بمبارې وکړې او له کبله یې یو(۱) ملکی ووژل شو .

سعودی عربستان له تیر میلادی کال راهسې د امریکا ، انګلستان، اسرائیلو، متحده عربی اماراتو او د اردن په ملاتړ   او دملګروملتونو دچپتیا په سیوری کښې دیمن پرضد دهوا، ځمکې او د سمندر له لارې حملو او بمباریو ته دوام ورکړی چې له کبله یې تراوسه څه دپاسه دیارلس زره (۱۳۰۰۰)بې ګناه خلک وژل شوی او په لسګونو زره نور ژوبل شوی او په میلیونونو نور  کډوال شوی هم دی او  دهیواد بیخ بنایانې بیخی تباه شوی هم دی .