امریکې د ایران خلاف بیړنی حالت بیا تمدید کړ

د امریکې حکومت د ایران په وړاندې بیړنی حالت د یو بل کال لپاره تمدید کړ.

د فارس خبري آژانس د خبر له مخې د امریکې ولسمشر ډونلډ ټرمپ د دغه هیواد کانګرس ته په یو لیک کښې وویل: د تهران او واشنګټن اړیکې لا نه دي سمې شوې او ضروري ده چې  ۱۲ زره ۱۷۰ نمبر اجرايي حکم بیاهم اجرا شي.

دغه اجرايي حکم د ۱۹۷۹ کال د نومبر په ۱۴ نیټه د امریکې د هغه وخت ولسمشر جیمي کارټر په تهران کښې د امریکې د جاسوسي ځالې د نیول کیدو له پيښې وروسته صادر کړی و.

کانګرس ته د ټرمپ په لیک کښې همداشان راغلي چې د ایران په هکله د ۱۹۸۱ کال جنوري په ۱۹ نیټه د تصویب شویو اقداماتو اجرا باید د ۲۰۱۸ کال د نومبر تر څوارلسمي نیټې پورې دوام ولري.