اشرف غنی متحده عربی اماراتو ته ولاړ

د افغانستان ؤلسمشر اشرف غنی نن له غرمې وړاندې د یوه لوړپوړی پلاوی په مشرۍ د متحده عربی اماراتو پلازمېنې ابوظبۍ ته ولاړ.

ارګ ویلی، چې ولسمشر غنی به هلته د لوور میوزیم د پرانیستو په مراسمو کې ګډون وکړی او تر هغې وروسته به د اماراتو له لوړپوړو چارواکو سره هم د دوه اړخیزو اړیکو سربېره په امنیتی او سیاسی مسایلو خبرې اترې وکړی.

اشرف غنی سره په دې سفر کې د ملی امنیت سلاکار حنیف اتمر، د چارو د ادارې مشر عبدالسلام رحیمی، د سټراټیژیکو اړیکو د ادارې مرستیال هارون چخانسوری او یو شمېر نور چارواکی ملګری دی.