اسرائیل د سیمې امنیت ته ستر ګواښ دی
-
صهیونیزم په سیمه کښې د تاوتریخوالي دزیاتولو اصلي عامل دی .
په ملګروملتونو کښې د سوریې دائمی استازی بشار جعفری ټینګار وکړ صهیونیسټ رژیم ډلوژونکی وسلې لری او دسیمې امنیت ته ګواښ کوی .
هغه پرون داټومی انرژۍ دنړیوال اژانس په کلنی راپور د غور کولولپاره د ملګروملتونو دعمومی اسمبلۍ په غونډې کښې وویل داټومی انرژۍ له نړیوال اژانس سره د صهیونیسټ رژیم نه ملګرتیا او له ډلوژونکو وسلو د مینځنی ختیځ د پاکولو غوښتنو ته د اسرائیلو رژیم بې پامۍ دسیمې امنیت ته ګواښ کوی .
په ملګروملتونو کښې دسوریې دائمی استازی بشار جعفری وویل لویدیځ هیوادونه کوشش کوی دصهیونیسټ رژیم له اټومی وسلو د نړیوالې ټولنې پام بل خوا ته واړوی .
صهیونیسټ رژیم په نیواکی فلسطین کښې د اټومی وسلو په تولیدولو او انبارولو او دغه راز د کیمیاوی وسلو په جوړولوسره مینځنی ختیځ د ډلوژونکو وسلو په ستر ګودام بدل کړی دی .
دبیلابیلو شمیرنو پراساس صهیونیسټ رژیم همدا اوس کابو درې سوه(۳۰۰) اټومی خولۍ لری چې نړۍ تباه کولای شی .
په ملګروملتونو کښې د سوریې دائمی استازی جعفری په سوریې کښې له ترهګرو ډلو دصهیونیسټ رژیم ملاتړونو ته په اشارې سره وویل صهیونیزم په سیمه کښې د تاوتریخوالی دزیاتولو اصلی عامل دی .