دیمن انصار الله غورځنګ د عربستان ادعا رد کړه
-
په یمن دسعودي عربستان په حملو کښې څه دپاسه دیارلس زره (۱۳۰۰۰)بې ګناه خلک وژل شوي په لسګونو زره نور ژوبل شوي .
زمونږخبریال وایی د یمن انصار الله ولسی غورځنګ دامریکا او دسعودی عربستان دغه ادعا چې ویلی وو د ریاض په هوایی ډګر ویشتل شوی توغندی دایران جوړ وو رد کړه .
دیمن د پوځ او د انصار الله ولسی غورځنګ دمتحدو ځواکونو ویندوی عزیزراشد پرون وویل هغه توغندی چې د سعودی عربستان عسکرو د نوامبر په څلورمه (۴)نیټه د ریاض هوایی ډګر ته نږدې نسکور کړ دیمن جوړ وو .
هغه وویل امریکا او سعودی عربستان په یمن کښې له خپلو جنایتونو د خلکو د پام د اړولو او په ایران د دباو د زیاتولو لپاره په دغه خبرې ټینګار کوی چې د ریاض په هوایی ډګر ویشتل شوی بلاسټیک توغندی د ایران جوړ وو .
دیمن د پوځ او د انصار الله دولسی غورځنګ دمتحدو ځواکونو ویندوی عزیز راشد جوته کړه که چیرې انصار الله غورځنګ وتوانیږی چې دهیواد د دفاع لپاره له هر هیواد څخه ستراتیژیکې وسلې ترلاسه کړی نو یوه (۱)شیبه به هم ځنډ ونکړی .
په یمن دسعودی عربستان او دڅو نورو عربو او اروپایی هیوادونو د تیریو د دوه نیمو کلونو په تیریدا او له دغو تیریوڅخه دامریکا له ملاتړ سره سره د یمن پوځ او ولسی غورځنګ انصار الله د پلازمینې صنعا په شمول د هیواد ډیرې سیمې په لاس کښې لری .
په یمن دسعودی عربستان په حملو کښې څه دپاسه دیارلس زره (۱۳۰۰۰)بې ګناه خلک وژل شوی په لسګونو زره نور ژوبل شوی او په میلیونونو نور کډوال شوی هم دی .
