مصر دقدس په اړه امنیت شورا ته یومتن وړاندی کړی
-
دقدس دنیواکګر قدرت په توګه د اسرائیلو د رژیم ټول اقدامات او تدبیرونه حقوقي اعتبار نلري .
زمونږخبریال وایی دملګروملتونو امنیت شورا داسرائیلو رژیم د پلازمینې په توګه د قدس په رسمیت پیژندلو کښې دامریکا د ولسمشر ډونالډ ټرمپ د فیصلې د ردولو دپریکړه لیک په مسودې غور کوی .
مصر پرون د ملګروملتونو امنیت شورا ته یو(۱) متن وړاندې کړ چې په معلوم ډول غواړی دقدس په اړه دامریکا دغه یو اړخیزه فیصله رد شی .
دمصر وړاندیزی متن دامریکا د نوم له اخیستلو پرته دقدس په اړه په وروستۍ فیصلې ژور خپګان څرګند کړی او ټینګار یې کړی دی چې دقدس ښار حالت باید دخبرو له لارې حل شی .
دغه متنن ټینګار لری دقدس د جغرافیایی جوړښت او د ځانګړی بدلون په هدف سره هرډول فیصله یا اقدام قانونی اساس نلری او پوچ دی او باید رد شی .
ډیپلوماټان اټکل کوی دغه پریکړه لیک سبا رایو ته د وړاندې کولو په وخت دامریکا لخوا ویټو شی .
دملګروملتونو امنیت شورا په ۱۹۸۰ میلادی کال کښې یو(۱) پریکړه لیک تصویب کړ چې وایی دقدس دنیواکګر قدرت په توګه د اسرائیلو د رژیم ټول اقدامات او تدبیرونه حقوقی اعتبار نلری .
