دتنهاۍ ښکار کسان زر مړ کیږی

زمونږ خبریال وایی په یوه(۱) نوی تحقیق کښې ویل شوی دی هغه کسان چې تنها او یوازې وی دنورو کسانو په پرتله درې(۳) برابر زر مړ کیږی .

د جوکاکس د راپور پراساس نوی(۹۰) لکه ځوانان له زیاتې تنهاۍ سره مخ دی چې ددوې د روغتیا لپاره  دومره ډیر تاوان لری څومره چې سګریټ او چاقۍ د انسان لپاره ضرر لری .

دغه تحقیق تنهاۍ ته د ټولنیزې وبا نوم ورکړی دی او له حکومتونو غوښتل شوی دی داسې اقدامات وکړی چې خلک له تنهاۍ خلاص شی .

دغه راپور وایی تنهاۍ نه یوازې په بوډاګانو اغیز کوی بلکې د هر عمر په خلکو اغیز اچوی او په صحت زیات اغیزونه کوی .

دغه تحقیق په دوام کښې وایی تنهای بیخی داسې دانسان په صحت اغیز کوی څرنګه چې په ورځ کښې پینځلس (۱۵)ځله دسګریټو د څکولوپه وجه دانسان صحت ته تاوان رسیږی .