له داعش وروسته مقاومت په اسرائیلوتمرکز کړی دی
-
انتقاضه یوازنۍ لاره ده چې د فلسطین ملت او اسلامي او ملي ډلې کولای شي په هغې اجماع وکړي
زمونږخبریال وایی د لبنان دحزب الله مشر حسن نصر الله له صهیونیسټ رژیم سره د مقابلې لپاره د مقاومت د چورلیز په چمتووالی ټینګار وکړ .
هغه دفلسطین د ازادۍ لپاره دخلق جبهې له یوه(۱) پلاوی سره په کتنې کښې وویل دمقاومت د چورلیز لپاره په سوریې او عراق کښې له داعش ترهګرې ډلې سره په جنګ کښې له بریالیتوبونو وروسته اوس فرصت دی چې له اسرائیلو سره په جنګ تمرکز وکړی .
دلبنان دحزب الله مشر حسن نصر الله داسرائیلو دپلازمینې په توګه د قدس د اعلانولو لپاره دامریکا د ولسمشر ټرمپ فیصله د «جیمز بالفور» نوی اعلامیې ته ورته وبلله او د فلسطین له خلکو یې وغوښتل ددغه نوی دسیسې د شنډولو لپاره خپل اتحاد وساتی .
حسن نصر الله وویل انتقاضه یوازنۍ لاره ده چې د فلسطین ملت او اسلامی او ملی ډلې کولای شی په هغې اجماع وکړی او د انتقاضې نتیجې ته تر رسیدا او د هغې دهدفونو د پورې کیدا لپاره دفلسطینیانو ټول پام باید په دغه مسلې متمرکز شی .
د ابواحمد فواد په مشرۍ د فلسطین د ازادۍ لپاره د خلق جبهې پلاوی هم دلبنان دحزب الله له مشر حسن نصر الله سره په کتنې کښې د مقاومت ډلو د ګډ پروګرام په چوکاټ کښې د اسرائیلو پرضد هر فعالیت کښې د ګډون لپاره خپل چمتووالی اعلان کړ .
