دیمن توغندی د کرامت او دفاع لپاره ویشتل کیږی
-
دیمن دانصار الله غورځنګ ځواکونوهم په جیزان کښې دعربستان په یوه (۱)پوځي مرکز توغندی وویشت .
مهر خبری اژانس وایی دیمن دانصار الله غورځنګ ویندوی محمد عبدالسلام دسعودی عربستان د تیریګر ائتلاف جنایتونو ته د نړیوالې ټولنې په نه غبرګون دنیوکې په ترڅ کښې وویل دیمن توغندی د ملت دواکمنۍ او دکرامت د دفاع لپاره ویشتل کیږی .
هغه دیمن په شمال کښې په صعده ولایت کښې د سعودی عربستان دجنګی الوتکو پرونی جنایت ته په اشارې سره چې یوشمیر کسان پکښې مړه او ژوبل شول وویل عربستان په مرستندویو هم حملې وکړې او د وژل شویو کسانو شمیر نولسو ته رسیدلی دی چې انجلۍ او هلکان پکښې شامل دی .
دیمن دانصار الله غورځنګ ویندوی محمد عبدالسلام دنړیوالې ټولنې په دریځ نیوکې سره چې د یمن دخلکو وینې ته ارزښت نه ورکوی دتیریګر دښمن لخوا د یمن دخلکو پرضد هره ورځ جنایت او دهغوې وژل وغندل او دغو جنایتونو ته په ځواب ورکولو کښې دخپلې دفاع لپاره دیمن دخلکو په حق یې ټینګار وکړ .
د سعودی عربستان جنګی الوتکو پرون دیمن په صعده ولایت کښې په یوه ښوونځی بمبارې وکړې او نولس(۱۹) زده کونکی یې ووژل او ګڼ شمیر نور یې ژوبل هم کړل .
دیمن دانصار الله غورځنګ ځواکونوهم د سعودی عربستان په جنوب لویدیځ کښې په جیزان کښې دعربستان په یوه (۱)پوځی مرکز توغندی وویشت .