ترکیې د متحده عربی اماراتو شارډز افیر احضار کړ
-
متحده عربي اماراتو تراوسه د ترکیې د ولسمشر رجب طیب اردوغان د حکومت دنسکورولو لپاره په میلیارډونو ډالره لګولي دي .
زمونږ خبریال وایی دترکیې دبهرنیو چارو وزارت پرون په انکارا کښې د متحده عربی اماراتو شارډز افیر له سپکاوی دیوه ډک خبر په خپرولو کښېی د اماراتو دبهرنیو چارو دوزیر په وروستی اقدام اعتراض کښې احضار کړ .
د متحده عربی اماراتو خارجه وزیر عبدالله بن زاید ال نهیان په تیرې سې شنبې ورځ په خپلې ټویټر پاڼې کښې یو(۱) خبر بیا خپور کړ چې د ترکیې ولسمشر رجب طیب اردوغان هغه د ځان او دترکیې سپکاوی بللی دی .
دمتحده عربی اماراتو دباندنیو چارو دوزیر دغه اقدام سبب شو چې د ترکیې او د اماراتو ترمینځ ژبنی جنګ پیل شی .
دمتحده عربی اماراتو خارجه وزیر عبدالله بن زاید ال نهیان په یوه(۱) خبر کښې ویلی د عثمانی امپراتورۍ اخری واکمن فخرالدین پاشا په مدینه النبی کښې ددغه سپیڅلی ښار د وسیدونکو پرضد جنایتونه کړی او دهغو شتمنۍ یې چورتالان کړی وې .
هغه ویلی وو فخرالدین پاشا د ترکیې د ولسمشر رجب طیب اردوغان پلار نیکه او له عربانو سره دهغوې د چلند مخینه ده .
د ترکیې ولسمشر رجب طیب اردوغان وړمه ورځ د متحده عربی اماراتو خارجه وزیر ته په وینا کښې وویل خپل حد وپیژنده او کله چې فخر الدین پاشا د مدینې دفاع ته تللی وو د ستا پلار نیکونه چیرته وو .؟
دترکیې د ولسمشر ویندوی ابراهیم کالین هم د متحده عربی اماراتو دخارجه وزیر څرګندونو ته په غبرګون کښې وویل فخرالدین پاشا په زړورتیا سره د بریتانیا د پلانونو په وړاندې د مدینې دفاع کړی وه .
فخرالدین پاشا له ۱۹۱۶ میلادی کال څخه تر ۱۹۱۹ میلادی کال پورې په مدینه النبی کښې د عثمانی امپراتورۍ واکمن وو .
دا لومړی ځل نه دی چې دمتحده عربی اماراتو چارواکی د ترکیې او دسیمې دنورو هیوادونو پرضد دریځونه غوره کوی .
د رسمی راپورونو پراساس متحده عربی اماراتو تراوسه د ترکیې د ولسمشر رجب طیب اردوغان د حکومت دنسکورولو لپاره په میلیارډونو ډالره لګولی دی .