شمالی کوریا جنوبی کوریا ته ورزش کاران استوی

زمونږخبریال وایی شمالی کوریا به په راتلونکی میاشت کښې جنوبی کوریا کښې اولمپیک لوبو ته خپل یوشمیر ورزش کاران او هنرمندان او خبریال واستوی .

د شمالی او دجنوبی کوریا دمشرانو ترمینځ  دغه موافقه له دوه(۲) کاله ځنډ وروسته  نن په ترسره شویو  خبرو کښې شوی ده .

د جنوبی کوریا د اتحاد وزیر چو میونګ ګیون (Cho Myung- Gyun)وویل دشمالی کوریا په ورزش کارانو سربیره ددغه هیواد هنرمندان او خبریالان هم سئول ته ورشی .

دشمالی او دجنوبی کوریا د خبرو لومړنی پړاو نن په سئول کښې پاې ته ورسید .

هغه وویل جنوبی کوریا وړاندیز کړی چې شمالی او جنوبی کوریا د اولمپیک د لوبو د پرانیستلو او دپاې په دستورو کښې په ګډه ګډون وکړی .

په جنوبی کوریا کښې د اولمپیک لوبې د روان میلادی کال په فرورۍ میاشت کښې کیږی .

دغه موافقه د شمالی کوریا د اټومی پروګرام پرسر له څو میاشتو  زیاتیدونکو تاوتریخوالو وروسته یوه (۱)مهمه ډیپلوماټیکه بریا ده .

دغه راز دشمالی کوریا رسنیو دامریکا په ولسمشر ډونالډ ټرمپ چې ویلی وو د پیانګ یانګ پرضد زما سخت دریځ د اولمپیک لوبو په اړه په خبرو کښې اسانتیا رامینځته کړی ده سخته نیوکه وکړه .