بندیزونه له ایران څخه دچین دتیلو په اخیستلو اغیز نلری

زمونږ خبریال وایی دنړۍ دتیلو ترټولو ستر شرکت وویل دایران پرضد دامریکا بندیزونه به له ایران څخه دچین د تیلو په وارداتو هیڅ اغیز ونلری .

د چین د ساینوپک  شرکت یوه مهم مدیر پرون وویل دچین دتیلو چاڼ ځایونه له ایران څخه د تیلو د اخیستلو لپاره داسې ټانکرونه استعمالوی چې له امریکا سره تعامل نلری پردې اساس دایران پرضد دبایکاټونو دبیرته لګولو لپاره د امریکا له فیصلې سره سره به له ایران څخه د چین د تیلو واردولو ته هیڅ تاوان ونه رسییږی .

د چین ددغه شرکت  مدیر وویل که چیرې د چین حکومت له امریکا د تیلو د واردولو لپاره پینځویشت(۲۵) فیصده مالیات ولګوی د چین دتیلو چاڼ ځایونه به له امریکا د تیلو اخیستل بند کړی .

چین او هند په اسیا او ترکیه او ایټالیا په اروپا کښې د ایران دتیلو ستر اخیستونکی دی .