البانیا د ایران دوه ډيپلوماټان له هیواده وویستل

فارس خبري اژانس وايي د البانیا حکومت پرون په چټي تورونو د ایران دوه (۲) ډيپلوماټان وویستل . د البانیا خارجه وزارت له هیڅ ډول ثبوت وړاندې کولو پرته ادعا وکړه چې د ایران دغو دوو (۲) ډيپلوماټانو غیرقانوني فعالیتونه ترسره کړي دي .

د ۲۰۱۸ میلادي کال په دسمبر میاشت کښې هم البانیا د ایران دوه (۲) ډيپلوماټان د غیر قانوني اقداماتو په پلمه له هیواده ایستلي وو .

د البانیا خارجه وزارت په هغه وخت کښې ویلي وو دغه اقدام یې له امریکا او صهیونیسټ رژیم سره له غږملتیا وروسته ترسره کړی دی .

البانیا ډیره موده کیږي چې د امریکا او د صهیونیسټ رژيم د ملاتړ وړ  ترهګرو ډلو په پناه ځاې بدله شوي ده .

همدا اوس د منافقینو د ترهګرې ډلګۍ څه دپاسه دوه زره (۲۰۰۰) غړي په البانیا کښې شته .