په سوریې کښې د روسیې په اډې برید ناکامه شو
په سوریې کښې د روسیې په اډې برید ناکامه شو
ایرنا خبري اژانس وايي د روسیې دفاع وزارت بیګا د سوریې په شمال لویدیځ کښې په لاذقیه ولایت کښې په «حمیمیم »هوايي اډې باندې دترهګرو ډلو د بې پایلوټه الوتکو د حملې په شا تمبولو خبر ورکړ .
د روسیې دفاع وزارت وویل د حمیمیم هوايي اډې دفاعي سیسټمونو د ترهګرو ډلو درې (۳) په وسلو سمبال بې پایلوټه الوتکې دغه اډې ته نږدې تباه کړي دي .
د روسیې دفاع وزارت وویل د حمیمیم هوايي اډې تاسیساتو ته هیڅ تاوان نه دی رسیدلی .
په سوریې کښې کړکیچ له ۲۰۱۱ میلادي کال راهسې د سعودي عربستان د امریکا او د دوې د ملګرو هیوادونو تر ملاتړ لاندې د ترهګرو ډلو په پراخو یرغلونو سره د صهیونیسټ رژیم په ګټه دسیمې د معادلاتو د بدلولو لپاره رامینځته کړی شوی دی .
د سوریې پوځ څه موده مخکې د ایران د اسلامي جمهوریت د پوځي سلاکارانو په مرستې او د روسیې په ملاتړ سره وتوانید چې په خپل هیواد کښې د داعش ترهګرې ډلې دوسیه وتړي .
