اروپائي اتحاديې د صهيونېسټ رژيم ښارګي جوړونه وغندله
د اروپا اتحاديې د بهرني سياست مسئول جوزپ بورل په نيواکي زمکو کښې د صهيونېسټ رژيم د ښارګي جوړونې دوام وغندۀ.
د ايرنا د رپوټ له مخې جوزپ بورل په يوې بيانيې کښې له صهيونېسټ رژيم وغوښتل په نيواکي زمکو کښې د ښارګي جوړونې د دوام په اړه خپل پروګرامونه ختم کړي.
بورل د صهيونېسټ رژيم ښارګي حوړونه غېرقانوني وبلله او وې ويل: اروپائي اتحاديه به هيڅکله په نيواکي زمکو کښې جغرافيائي بدلونونه په رسميت ونه پېژني.
د اروپا د بهرني سياست د مشر له بيانيې سره په يو وخت اېټاليا، فرانسې، جرمي او ائرلېنډ هم په بيلا بيله توګه د صهيونېسټ رژيم ښارګي جوړونه وغندله.
د صهيونېسټ رژيم د کور جوړونې وزارت د صهيونېسټ مېشته ښارګيو ښارواليو د تېرې چارشنبې په ورځ د نيواکي قدس شريف په شمال کښې د نهو زرو صهيونېسټ مېشته کورونو د جوړولو لپاره يو پلان وړاندې کړ.
د ملګرو ملتو د امنيت شورا د 2016 کال د دسمبر په ۲۳ نېته په 2334 پرېکړليک کښې له صهيونېسټ رژيمه وغوښتل چې د فلسطين په نيواکي زمکو کښې دې د ښارګي جوړونې ټول فعاليتونه اودروي خو دغه رژيم د امريکې تر ملاتړ لاندې او د نړيوالې ټولنې غوښتنې ته بې له پامه هم هغه شان ښارګي جوړونې ته دوام ورکوي.
