د امریکا ملي ګارډ به د کورونا پرضد اقدام وکړي
فارس خبري اژانس وايي د امریکا ولسمشر ټرمپ بیګا وویل د ملي ګارډ ځواکونه به په نیویارک ، واشنګټن او کیلي فورنیا ایالتونو کښې له کورونا وایروس سره د مقابلې لپاره اقدام ترسره کړي .
هغه دغه راز په نیویارک ایالت کښې د بیړني حالت د اعلانولو خبر ورکړ او ادعا یې وکړه په راتلونکو څلرویشتو (۲۴) ساعتونو کښې به دغه ایالت ته طبي مرستې واستول شي .
د امریکا په بیلابیلو ایالتونو په تیره بیا نیویارک ، واشنګټن او کیلي فورنیا کښې د کورونا وایروس د خپریدا په دلیل حالات ډیر خراب دي .
د کورونا وایروس د خپریدا په وړاندې د امریکا د ولسمشر ټرمپ د حکومت د کړچار په هکله په دغه هیواد کښې اندیښنې ډیرې زیاتې شوي دي او حتی څو ایالتونو د کورونا وایروس د خپریدا د خطر په دلیل بیړنی حالت اعلان کړی دی .
د امریکا ټروت اوټ (Truthout )اینټرنیټ پاڼې څو ورځې مخکې دې ته په اشارې سره چې د هیواد اتویشت (۲۸) میلیونه خلک د بیمې خدمات نلري په امریکا کښې د کورونا وایروس خپریدا له غمیزې ډک وبلل .
بل خبر دا چې د امریکا سیناتور رانډ پال هم په کورونا وایروس ککړ شوی دی او اوس په قرنطینه کښې شوی دی .
