د امریکا خلکو د مفتو ډوډیو مرکزونو ته تلل پیل کړي
سي این این ټیلي ويژن خبر ورکړ د امریکا هغو ښاریزو چې پیسې ورسره نشته په خپلو ګاډو سره د مفتو ډوډیو مرکزونو ته ورتلل زیات کړي دي .
په امریکا کښې د کورونا ساري ناروغۍ د هیواد په میلیونونو خلک بې کاره کړي دي او د اقتصادي چارو کارپيژاندو ویلي دي د هیواد شپیته (۶۰) میلیونه خلک د فیډرال حکومت د مالي مرستو د چیکونو د ترلاسه کولو په انتظار دي .
دغه راپور وايي په مفت ډول د ډډوۍ د ورکولو له مرکزونو څخه د خواړو د ترلاسه کولو لپاره د امریکا د بیلابیلو ښارونو په واټونو کښې د ګاډو بې مخینې صفونه جوړ شوي دي .
د ګاډو په دغه صف کښې یوه (۱) ولاړ ډرائیور سي این این ټیلي ويژن ته وویل زمونږ د کورنۍ هیڅ غړی کار کسب نلري او هیڅ پیسې راسره نشته او زیاته یې کړه مونږ بچیان لرو او باید د هغوې ساتنه وکړو او نه پوهیږو چې تر کوم وخت پورې به دغه حالت وزغمو .
څرنګه چې د امریکا ستر پلورنځایونه او رستورانونه د کورونا وایروس له کبله تړل شوي دي د دغه هیواد کروندګر د خپلو کرهڼیزو محصولاتو له مینځه وړلوته مجبوره شوي دي .
ډیرې کارپیژاندي په امریکا کښې د کورونا وایروس خپریدل او د ډیرو خلکو بې روزګاره کیدل د ولسمشر ټرمپ د ناوړه مدیریت له کبله ګڼي .
