د اسپانیا ۱۱۳ کلنۍ میرمنې کورونا ته ماتي ورکړه
زمونږ خبریال وايي په ټوله نړۍ کښې د کورونا ویروس له کبله د وژل کیدونکو کسانو شمیر بیخي زیات شوی دی او دغه ناروغۍ په اروپايي هیواد اسپانیا کښې ډیره خپره شوي هم ده .
خو له اسپانیا څخه یو(۱)په زړه پورې خبر راغلی دی او هغه دا چې د دغه هیواد یوې (۱) یوسل دیارلس (۱۱۳) کلنې میرمنې د کورونا خطرناکې ناروغۍ ته ماتي ورکړي ده او نوموړي میرمنه اوس روغه رمټه شوي ده .
که څه هم په ټوله نړۍ کښې د کورونا ویروس له کبله اکثره وژل شوي کسان ناروغان او بوډاګان دي خو په اسپانیا کښې د بوډاګانو په یوه(۱) هاسټل یا لیلیې کښې یوسل دیارلس (۱۱۳) کلنې میرمنې ځان په کور کښې قرنطینه کړ او اوس د هغې د کورونا ازموینه او ټیسټ منفي راغلی دی .
د اسپانیا دغه میرمنه نه یوازې د دغه هیواد بلکې په ټوله نړۍ کښې تر ټولو بوډا ناروغه ده چې کورونا ویروس سره یې ماتي ورکړي ده .
دغه راز د روسیې په پلازمینې ماسکو کښې هم یوې (۱) سل(۱۰۰) کلنې میرمنې کورونا ویروس ته ماتي ورکړي ده او هغه اوس روغه رمټه شوي او ازموینه یې هم منفي راغلي ده .
