چین او هندوستان د حالاتو سمول غواړي
زمونږ خبریال وايي په لداخ سیمه کښې د چین او د هندوستان ترمینځ له دوه(۲) ورځنۍ لاس په لاس سرحدي جګړې وروسته چې د نوي ډیلي شل (۲۰) حکومتي عسکر پکښې وژل شوي وو د دواړو هیوادونو خارجه وزیرانو په ټیلي فون باندې خبرې وکړې
او موافقه یې وکړه چې نوی ډیلی او پیکینګ د هیمالیه په لانجمن سرحد کښې د سولې او د ارامښت د تضمین لپاره دوه اړخیزه موافقو ته پاې بند ووسي .
د هندوستان د خارجه چارو وزیر جی شنکر او د چین د بهرنیو چارو وزیر وانګ يي موافقه وکړه چې په سرحد کښې حالات به په مسولانه ډول سم کړي او دواړه هیوادونه به د موجودو موافقو درنښت وکړي .
د هندوستان حکومت وویل چین او هندوستان به د حالاتو د خرابیدا لپاره هیڅ اقدام ترسره نکړي او د دوه اړخیزه موافقو او تړونونو سره سم به سوله او ارامښت تضمین کاندي .
د چین حکومت هم وویل چې د هندوستان او د چین خارجه وزیرانو خبرې به د حالاتو له ښه کیدا سره مرسته وکړي او زیاته یې کړه څرنګه چې د هندوستان خارجه وزیر د خپل هیواد دریځ اعلان کړ او هغوې د حالاتو د ښه کیدا لپاره نرمه لهجه وکاروله .
