د ایران ولسمشر:
د ایران او چین د نظر یووالی د رغنده همکاریو بنیاد دی
پارس ټوډی- د ایران د اسلامي جمهوریت ولسمشر مسعود پزشکیان د شخړې د کمولو او د سیمه ایز ثبات د ساتنې په لړ کښې د تهران او بیجنګ د نظر په یووالي ټینګار وکړ.
د پارس ټوډی د خبر له مخې، مسعود پزشکیان تیره شپه په خپلې سوشل میډیا ولیکل: د اسلام آباد تفاهم ته له ستنیدو او د خبرواترو او مذاکرې له لارې د اختلافاتو له هواري په ملاتړ کښې د چین د ولسي جمهوریت د محترم ولسمشر ښاغلي شي جین پينګ د دریځونو قدرونه کووم.
هغه همداشان لیکلي دي: ایران هم دغه تفاهم ته د ستنیدو په ضرورت، د موافقې وړ ژمنو د اجرا او د جدي او نتیجه محوره مذاکراتو د دوام د زمینې په برابریدو ټينګار وکړ.
ښاغلي پزشکیان په پاې کښې ولیکل: د هیوادونو د حاکمیت د احترام، د شخړو د کمي او د سیمه ایزې صلحې او ثبات د ساتنې په ضرورت کښې د تهران او بیجنګ د نظر یووالی، د رغنده همکاریو د دوام مهم بنسټ دی.
