امریکا په افغانستان کښې د عسکرو شمیر کموي
رویټرز خبري اژانس وايي د امریکا دفاع وزیر مارک سپیر(Mark's Sphere) پرون په یوې (۱) مرکې کښې وویل واشنګټن نیت لري د روان میلادي کال تر نوامبر میاشتې پورې په افغانستان کښې د خپلو عسکرو شمیر له پینځو زرو(۵۰۰۰) څخه کم کړي .
د امریکا د دفاع وزیر دغه څرګندونې په داسې حال کښې دي چې ولسمشر ټرمپ تیره اونۍ له اکسیوس (Axios ) خبري سایټ سره په مرکه کښې د خپل هیواد د عسکرو د وتلو دقیق وخت ته له اشارې کولو پرته ویلي وو چې زر به په افغانستان کښې د امریکا د عسکرو شمیر څلورو زرو (۴۰۰۰) ته ورکم کړي .
د امریکا او د طالبانو ترمینځ د سولې د موافقې پراساس چې د روان میلادي کال د فرورۍ د میاشتې په نهویشتمه (۲۹) نیټه په قطر کښې لاسلیک شوي وه د ټرمپ حکومت ژمن دی سوکه سوکه خپل پوځیان له افغانستان څخه وباسي .
د افغانستان حکومت چې د سولې د دغه موافقې په لاسلیک کولو کښې کوم رول نلري د بین الافغاني خبرو اترو د پیلولو لپاره د طالبانو د پینځوزرو (۵۰۰۰) بندیانو خوشي کولو ته ژمن شوی دی .
د نشه ییزو مواد د تولید او دناامنیو زیاتیدل او د مسلمانانو د سپیڅلتیاو سپکاوی او د امریکا د عسکرو د جنایتونو دوام چې تراوسه یې په لسګونو زره کسان وژلي دي په افغانستان کښې د واشنګټن بریاوې ګڼل کیږي .
