په ايران، روسيې او چين د امريکې بيا تور لګونه
واشنګټن يو ځل بيا بې له څه سند او ثبوت وړاندې کولو د ايران اسلامي جمهوريت، روسيه او چين د امريکې د ولسمشرۍ په راتلونکو انتخاباتو کښې د مداخلت لپاره په کوشش کولو تورن کړل.
د فارس خبري آژانس د رپوټ له مخې دامريکې د کورني امنيت وزارت پرون په يو رپوټ کښې ادعا وکړه چې د ايران اسلامي جمهوريت، روسيه او چين د امريکې د روان ميلادي کال د ولسمشرۍ د انتخاباتو د کمزوري کولو په لټه کښې دي.
د ډونالډ ټرمپ حکومت له دې مخکښې ايران، روسيه او چين د امريکې په انتخاباتو کښې په لاسوهنې تورن کړي وو.
د ايران اسلامي جمهوريټ ، روسيې او چين تر اوسه په ځلونو دغه چټي تور رد کړے دے.
زياتره کارپېژاندي باوري دي چې واشنګټن د ايران، روسيې او چين په تورنولو سره د امريکې د ولسمشرۍ په راتلونکو انتخاباتو کښې ډونالډ ټرمپ ته د راې ورکولو لپاره د امريکې د خلقو د نظر د بدلولو کوشش کوي.
