په قره باغ سیمه کښې د اووربند احتمال زیات شوی
په قره باغ سیمه کښې د اووربند احتمال زیات شوی زمونږ خبریال وايي د فرانسې د ولسمشر دفتر په قره باغ سیمه کښې د اذربایجان جمهوریت او د ارمنستان ترمینځ د اووربند د ټینیګید د احتمال خبر ورکړ .
الیزه ماڼۍ وویل په قره باغ سیمه کښې نن د اووربند د ټینګیدا احتمال شته .
د فرانسې د ولسمشر دفتر وویل په قره باغ سیمه کښې ښکیلې خواوې د اووربند د ټینګیدا په لور د حرکت کولو په حال کښې دي .
له تیرو څو ورځو راهسې د روسیې په شمول بیلابیل هیوادونه په قره باغ سیمه کښې د اووربند د ټینګیدا لپاره هڅه کوي چې د اذربایجان جمهوریت او د ارمنستان ترمینځ خبرې پیل شي .
د روسیې خارجه وزارت پرون په سیمه کښې د کړکیچ د حل په زمینه کښې د سلامشورې لپاره ماسکو ته د اذربایجان جمهوریت او د ارمنستان د خارجه وزیرانو د وربللو خبر ورکړ .
د روسیې لومړی وزیر میخائیل میشوستین هم پرون د ارمنستان هیواد پلازمینې ایروان ته ورسید چې د دغه هیواد له چارواکو سره د تاوتریخوالو د کمولو او د اووربند په زمینه کښې سلامشوره وکړي .
