روسیه د امریکا په خزانې وزارت برید کښې لاس نلري
تاس خبري اژانس وايي په واشنګټن کښې د روسیې سفارت د امریکا په خزانې وزارت باندې اینټرنیټي برید کښې د ماسکو د لاس د لرلو په هکله د امریکا د رسنیو ادعا رد کړه .
په امریکا کښې د روسیې سفارت وویل د اطلاعاتو په فضا کښې حملې د ماسکو د بهرني سیاست له اصولو سره تضاد لري او د امریکا رسنیو یوځل بیا د واشنګټن په حکومتي ارګارنونو باندې د اینټرنیټي بریدونو په هکله د ماسکو پرضد بې اساسه تورونه مطرح کړي دي .
بل خبر دا چې د روسیې د خارجه وزارت ویاندې میرمن ماریا زاخارووا وویل واک ته د جوبایډن په رسیدا سره به د امریکا او د روسیې اړیکې بدلې نشي .
هغې وویل د روسیې په وړاندې د امریکا خارجي سیاست د کنټرولولو سیاست دی او دغه حالت به د امریکا په نوي حکومت کښې بدل نشي .
مخکې د امریکا نوي ولسمشر جوبایډن ادعا کړي وه چې روسیه حاضردمه د امریکا او د هغې د متحدینو د امنیت لپاره ترټولو ستر ګواښ ده .
