روسیې د ایران اټومي پروګرام سوله ییز وباله
فارس خبري اژانس وايي د روسیې د بهرنیو چارو د وزیر مرستیال سرګي ریابکوف وویل ایران داسې هیواد دی چې د اوږدې مودې لپاره اټومي تړون ته ژمن دی او د اټومي وسلو د پټ پروګرام شک ورباندې نشي کیدلای .
هغه پرون سوله ییز اټومي پروګرام ته د ایران پاې بندۍ او اټومي تړون ته د تهران په کامل ډول ژمن پاتې کیدا او د نورو لورو د ژمنو ماتولو ته په اشارې سره وویل په ایران باندې د اټومي وسلو د پټ پروګرام د لرلو شک نشي کیدلای .
دغه راز د روسیې د ولسمشر ویاند دیمیتري پسکوف د ایران پرضد د ملګروملتونو د بایکاټونو له بیرته لګولو او د ماشه له مکانیزم څخه د شاتګ کولو لپاره د امریکا د فیصلې هرکلی وکړ .
هغه د ایران له اټومي تړون څخه د وتلو لپاره د امریکا د پخواني حکومت په فیصلې باندې د خواشینۍ په څرګندولو سره وویل روسیه هماغه راز د اټومي تړون ملاتړي ده او هیله منه ده چې دغه موافقه احیا شي .
د جوبایډن په مشرۍ د امریکا نوي حکومت د ایران په وړاندې د پخواني ولسمشر ټرمپ د سیاستونو په ماتي خوړلو اعتراف کړی او ویلي یې دي زه نیت لرم له اټومي تړون په یواړخیزه ډول وتل په نړیواله سویه د امریکا د څنګ ته کیدا سبب شوي دي او خپل هیواد اټومي تړون ته چې د امنیت شورا لخوا تائید شوي ده بیرته ورستون کړم .
