Hezbollahu godet pozicionet ushtarake izraelite në territoret veriore të pushtuara

Luftëtarët e lëvizjes libaneze të rezistencës Hezbollah kanë kryer një sërë operacionesh, duke synuar pozicione të ndryshme ushtarake izraelite në pjesën veriore të territoreve të pushtuara.

Hezbollah tha në një deklaratë se kreu një sulm me një skuadron dronësh kamikazë kundër selisë së Divizionit 91 në zonën Nahal Gershom të rajonit të Galilesë së Epërme.

Në deklaratë thuhet se sulmi me dron shkaktoi viktima në mesin e ushtarëve izraelitë në zonë. Një zjarr shpërtheu në një zonë të hapur në Galilenë e Epërme si pasojë e sulmit ajror.

Zjarri u shua nga pesë ekipe zjarrfikëse, raportoi Kanali 12 i televizionit izraelit.

Grupi i rezistencës libaneze tha se sulmi ishte në solidaritet me palestinezët në Rripin e Gazës, luftëtarët e guximshëm të rezistencës, dhe si hakmarrje për ofensivën ushtarake izraelite në Luginën Bekaa në Libanin lindor.

Luftëtarët e Hezbollahut lëshuan predha artilerie dhe raketa në postat e Bayad Blida dhe Birkat Risha, duke goditur saktësisht objektivat e përcaktuara.

Në një deklaratë të veçantë, grupi tha se luftëtarët e tij kishin goditur me një breshëri raketash bazën izraelite Ramtha në kodrat e okupuara libaneze Kfar Shuba.

Hezbollahu gjithashtu sulmoi me disa raketa bazën  Zebdine, duke kryer një goditje të drejtpërdrejtë.