Irani: Gjenocidi në Gaza manifeston qartë natyrën arrogante të SHBA-së

Zëdhënësi i Ministrisë së Jashtme të Iranit tha se mbështetja e palëkundur e Shteteve të Bashkuara për krimet e luftës dhe gjenocidin e Izraelit në Gaza është një manifestim i qartë i natyrës arrogante të SHBA-së.

Në një postim në llogarinë e tij në rrjetin X të shtunën, Naser Kanani tha se "regjimi sionist i aparteidit" po kryen krime lufte dhe gjenocid kundër popullit të shtypur palestinez në Gaza me mbështetjen e plotë të administratës amerikane.

Regjimi i Tel Avivit gjithashtu shpërfill votat e 120 vendeve në Asamblenë e Përgjithshme të Kombeve të Bashkuara dhe kërkesën botërore për t'i dhënë fund sulmeve brutale ndaj njerëzve të pambrojtur në Gaza, tha ai.

Aktet kriminale të Izraelit, të mbështetura plotësisht nga Shtetet e Bashkuara, portretizojnë shpirtin arrogant të Uashingtonit, i cili nxiti urrejtje midis kombeve në mbarë botën, tha Kanani. Izraeli deri më tani ka vrarë të paktën 9,488 palestinezë, duke përfshirë afro 3,900 fëmijë dhe 2,509 gra. Mbi 24,160 palestinezë janë plagosur.