Izraeli mbështet ekipet e sabotimit dhe terroristët përgjatë kufijve të Iranit

Komandanti i Forcave Tokësore të Korpusit të Gardës së Revolucionit Islamik (IRGC) tha se regjimi izraelit është përgjegjës për aktet e sabotimit dhe sulmeve terroriste që synojnë zonat kufitare të Iranit.

Duke folur të dielën, gjeneral brigade Mohammad Pakpour tha se një rishikim i lëvizjeve në kufijtë e Iranit tregon se armiqtë kanë kurdisur komplote dhe kanë forcuar grupet armiqësore përgjatë kufijve të vendit.

“Sipas hetimeve, regjimi sionist mbështet ekipet e sabotimit që veprojnë përgjatë kufijve iranianë dhe operacionet terroriste kundër postave kufitare të forcave iraniane”, shtoi ai.

Komandanti i Forcave Tokësore të IRGC vuri në dukje ndryshimet thelbësore në taktikat dhe strategjinë e luftës dhe theksoi nevojën për të përmirësuar njësitë e IRGC-së në përputhje të plotë me kushtet ekzistuese.

Në luftërat moderne, vuri në dukje gjeneral brigade Pakpour, terroristët dhe elementët anti-revolucionarë përdorin individë dhe pajisje që janë krejtësisht të ndryshme nga ato në të kaluarën.

Ai tha se mikro mjetet ajrore dhe armët inteligjente luajnë një rol përcaktues në luftërat moderne. "Armiku patjetër do të bëjë një rishikim në qëllimet e tij të këqija nëse do të ndeshet me një IRGC plotësisht të përgatitur", tha gjeneral brigade Mohammad Pakpour.