Irani dënon shkatërrimin e infrastrukturës siriane nga regjimi sionist

Zëdhënësi i Ministrisë së Punëve të Jashtme të Iranit dënoi ashpër përsëritjen e agresioneve të regjimit sionist ndaj infrastrukturës siriane dhe pushtimin e disa pjesëve të tjera të Golanit sirian.

Sipas   IRNA, "Ismail Baqaei" dënoi sulmet e përsëritura të regjimit sionist ndaj infrastrukturës siriane në dy ditët e fundit dhe pushtimin e disa pjesëve të tjera të Golanit sirian, si dhe kritikoi vendet perëndimore që mbështesin regjimin për heshtjen dhe mosveprimin e tyre kundër kësaj shkeljeje flagrante të ligjit nga ana e regjimit sionist dhe e quajti atë qëndrim si konfirmim të veprimeve të tij agresive nga perëndimi. Duke iu referuar veprimit më të fundit të regjimit sionist në sulmin ushtarak brenda në territorin sirian - në një situatë ku populli sirian po përballet me një situatë të lindur nga ndryshimi i shtetit - Baqaei këtë akt agresioni e quajti një shkelje të qartë të Kartës së OKB-së dhe kërkoi përgjigje të menjëhershme nga Këshilli i Sigurimit i OKB-së për të ndaluar agresionin dhe për të ndëshkuar regjimin pushtues sionist. Duke rikujtuar pushtimin e Lartësive siriane të Golanit, zëdhënësi i Ministrisë së Jashtme të Iranit veprimin e fundit të regjimit sionist e përshkroi si një veprim që bie ndesh me rezolutat e Këshillit të Sigurimit të Kombeve të Bashkuara, ndërsa zgjerimin e perimetrit të zonave të pushtuara e cilësoi një shenjë të frymës ekspansioniste, qasjes luftarake të regjimit pushtues dhe mosrespektimin e të gjitha rregullave dhe normave ligjore ndërkombëtare nga ana e këtij regjimi. Ai theksoi përdorimin e të gjitha kapaciteteve rajonale dhe ndërkombëtare për të ndaluar agresionin e regjimit sionist kundër këtij vendi.