Tregtia e jashtme e Iranit arrin në afro 88 miliardë $
Mars 29, 2017 19:53 Europe/Tirane
Zyra e përgjithshme e Doganave të Iranit bëri të ditur se gjatë vitit të kaluar tregtia e jashtme e Iranit arriti shifrën 87,614 miliardë $ dhe se bilanci tregtar i Iranit ka qenë pozitiv.
Në këtë raport thuhet se gjatë vitit të kaluar, tregtia e jashtme e Iranit ka qenë 3,646 miliardë $ më e lartë sesa në vitin e mëparshëm, ndërsa bie në sy rritja e madhe e eksporteve të produkteve jonaftore të Iranit, vlera e të cilave ishte 246 milionë $ më e lartë se vlera e të gjitha mallrave të importuara nga Irani. Vlera e produkteve jonaftore të Iranit të eksportuara gjatë vitit të kaluar ishte 43,930 miliardë $, ndërsa vlera e mallrave të importuara nga Irani ka qenë 43,684 miliardë $.