Garda Revolucionare paralajmëron mbi praninë e huaj në Gjirin Persik

Duke iu referuar arrestimit të marinsave amerikanë dhe arrestimit të një tankeri britanik të naftës, gjeneral Alireza Tangsiri, komandant i forcave detare të Korpusit të Gardës së Revolucionit Islamik, tha të dielën se "kjo ishte vetëm një pjesë e vogël e fuqisë së forcave detare të Gardës Revolucionare.

"Çdo javë, Uashingtoni harxhon më shumë se 25 milion dollarë për të mirëmbajtur anijet e tij luftarake në Gjirin Persik, duke treguar rëndësinë që Shtëpia e Bardhë i kushton pranisë së saj në këtë zonë detare. Sidoqoftë, sa herë që ata guxuan të veprojnë në një mënyrë ose tjetrën, ata u përballën me reagimin e shpejtë dhe të fortë të forcave detare të Gardës Revolucionare”, tha ai. Gjeneral Tangsiri deklaroi se arrestimi i marinsave amerikanë dhe ndalimi i cisternës britanike ishin vetëm një "paralajmërim" për fuqitë që do të synonin shkeljen e ujërave territoriale të Republikës Islamike të Iranit "Çdo vend që i lejon vetes të sjellë anijet e tij ushtarake në ujërat tona territoriale do të duhet të mbartë pasojat e plota të këtij veprimi",  tha komandanti i forcave detare të Korpusit të Gardës së Revolucionit Islamik.