Dërgohet luftanija bërthamore amerikane Eisenhower në Detin e Kuq

Departamenti Amerikan i Mbrojtjes njoftoi se ka urdhëruar transferimin e aeroplanmbajtëses bërthamore Eisenhower dhe flotës shoqëruese nga Gjiri Persik në Detin e Kuq për të përballuar sulmet anti-sioniste të forcave jemenase.

Revista Politico citoi zyrtarët amerikanë të thoshin se Pentagoni kohët e fundit urdhëroi dërgimin e aeroplanmbajtëses bërthamore Dwight Eisenhower në Detin e Kuq në përgjigje të sulmeve të forcave jemenase kundër anijeve izraelite. Më parë, faqja e internetit "Semaphor", duke cituar zyrtarë të administratës së presidentit amerikan Joe Biden, njoftoi se Pentagoni po shqyrton mundësinë e sulmit ndaj objektivave ushtarake të forcave të ushtrisë jemenase në përgjigje të përshkallëzimit të sulmeve ndaj anijeve në Detin e Kuq. Gjeneral brigade Yahya Saree, zëdhënësi i forcave të armatosura të Jemenit, të premten njoftoi: Ne me 2 raketa detare shënjestruam 2 anije me kontejnerë që lëviznin drejt territoreve të pushtuara të Palestinës. Ai shtoi: Ne i sigurojmë të gjitha anijet që shkojnë në dhe nga portet e botës, përveç porteve të regjimit sionist, se nuk do të dëmtohen. Ai theksoi: Derisa të plotësohen nevojat mjekësore dhe ushqimore të banorëve të Gazës, ne do të vazhdojmë të parandalojmë lëvizjen e të gjitha anijeve që shkojnë në portet e territoreve të pushtuara palestineze.