Sulm me dron i Rezistencës Irakiane në portin Eilat
Në orët e para të mëngjesit të sotëm, Rezistenca Islamike e Irakut, nëpërmjet një sulmi me dron sulmoi një pozicion jetik në portin Eilat të regjimit sionist.
Sipas agjencisë iraniane të lajmeve IRNA, Rezistenca Islamike e Irakut njoftoi në një deklaratë se në përgjigje të krimeve të regjimit uzurpues sionist kundër popullit të pambrojtur të Palestinës, forcat e Rezistencës sulmuan një objektiv jetik dhe të rëndësishëm në portin e qytetit Eilat (Um al-Rashrash) nëpërmjet një sulmi me dron.
Gjithashtu, në këtë deklaratë theksohet vazhdimi me një trend në rritje i operacioneve të Rezistencës Islamike të Irakut për të shkatërruar fortifikimet e armikut.
Burimet e lajmeve të orëve të para të mëngjesit të së enjtes, raportuan për rënien e sirenave të alarmit në “Wadi Araba” në jug të Palestinës së pushtuar dhe pranë kufijve të Jordanisë.
Mediat e regjimit sionist raportuan gjithashtu për aktivizimin e sirenave të alarmit në zonat "Sappir" dhe "Ein Yahav" në juglindje të Palestinës së pushtuar.
Disa burime raportuan gjithashtu se disa shpërthime u dëgjuan në zonën "Ein Yahav" pranë kufirit me Jordaninë.
Në muajt e fundit, Rezistenca Islamike e Irakut ka shënjestruar objektiva të ndjeshme dhe të rëndësishme në zona të ndryshme të Palestinës, duke përfshirë portin Eilat.
Ky grup kishte paralajmëruar më herët territoret e pushtuara në operacionet e kaluara se nëse regjimi sionist vazhdon sulmet në Rripin e Gazës, ai do të intensifikojë operacionet kundër pozicioneve të këtij regjimi.
